Услови за продажба на интернет-продавницата Пандора/Pandora 

1. Дефиниции

Со терминот „Производи“ се означуваат производите што ги продава Пандора/Pandora.

 „Пандора/Pandora“ ја означува компанијата со назив „СФ1 Клипс“ ДООЕЛ Скопје, со адреса на ул. „Љубљанска“ бр. 4 – У 121, дистибутер на Пандора накит/Pandora jewelery, која, како носител на франшизата за брендот „Пандора“/„Pandora“ за подрачјето на Република Северна Македонија, дејствува во свое име и за своја сметка, но го користи името на брендот „Пандора“/„Pandora“.

„Услуги“ ги означуваат услугите кои „Пандора“/„Pandora“ им ги дава на своите клиенти.

Основни услови

Општите услови на интернет-продавницата „Пандора“/„Pandora“ се утврдени според условите за продажба кои ги реализира „Пандора“/„Pandora“. Општите деловни услови на интернет-продавницата детално се наведени во полињата до кои можете да пристапите со кликнување на посакуваното поле. Општите правила и услови ги дефинираат активноста на интернет-продавницата, корисниците на правата и деловните врски помеѓу „Пандора“/„Pandora“ и потрошувачите.

Интернет-продавницата е информативен систем наменет за претставување и продажба на производи на потрошувачите. Со него управува компанијата „СФ1 Клипс“ ДООЕЛ Скопје. Корисник е лицето кое го користи наведениот систем, односно потрошувачот во интернет-продавницата.

Нарачки

Производите може да ги нарачате по пат на  интернет, на веб-страницата: www.pandorashop.mk

Со една нарачка може да се нарачаат максимално пет (5) исти производи или артикли.

Сите нарачки подлежат на ограничени количини, во согласност со количината на производи на лагер. „Пандора“/„Pandora“ ќе ги извести клиентите колку што е можно поскоро за евентуалниот недостиг од одредени производи или артикли.

„Пандора“/„Pandora“ го задржува правото целосно или делумно да ја одбие нарачката или правото да бара исплата на аванс за вредноста на нарачката ако детектира послаби платежни можности на потенцијалниот купувач.

Упатство за правење нарачки

За да купувате во онлајн-продавницата „Пандора“/„Pandora“, препорачливо е да се регистрирате. Може да купувате во онлајн-продавницата „Пандора“ и без да се регистрирате.

Процесот на регистрација е едноставен:

Кликнете на полето „Пријави се“, на врвот на која било страница, а потоа, на полето „Регистрирај се“.

Ќе се отвори нова страница каде што треба да ги внесете Вашето име и презиме, е-пошта и лозинка.

На новата страница изберете дали сакате да се регистрирате како физичко или како правно лице и внесете ги деталите за испорака. Полињата означени со ѕвездичка (*) се задолжителни. Означете го полето „Се согласувам со политиката за приватност“ доколку се согласувате со политиката за приватност и изберете ги начините на кои сакате да бидете контактирани. Кликнете на „Следно“.

Успешно се регистриравте.

Купување

Изберете ги производите или артиклите што сакате да ги купите. До секоја ставка има копче „Додај во кошничката“ – кликнете на неа и изберете ја количината. Предметот ќе биде додаден во Вашата кошничка.

Во секое време, со кликнување на полето „Кошничка“, на горниот дел од страницата, можете да видите колку производи или артикли имате во кошничката и колкава е нивната вкупна цена. Во цената не се вклучени трошоците за испораката. Сите цени на страницата се изразени со вклучена наплата на данокот на додадена вредност (ДДВ).

Ако сакате да го откажете купувањето на производот, кликнете на полето „Х“ веднаш до него и производот ќе биде отстранет од кошничката.

Откако сте ги одбрале сите артикли што сакате да ги купите, кликнете на „Мојата кошничка“ и ќе бидете пренасочени на нова страница со содржината на Вашата кошничка. Ако имате промотивен код, можете да го внесете на оваа страница. Кликнете на полето „Следно“, на дното од страницата. Потврдете ги деталите за испораката или внесете нови податоци ако сакате производот да биде доставен на друга адреса.

Во овој момент нудиме испорака преку курирската компанија „Фалкон логистикс“ ДОО – Скопје, на територијата на Република Северна Македонија.

Овде можете да видите колку чини испораката на Вашата нарачка. Во цената е вклучен и данокот на додадена вредност (ДДВ).

Кликнете на „Следно“.

Начинот на плаќање можете да го изберете на оваа страница. Ако се регистриравте како физичко лице, можете да изберете еден од трите начини:

  • Плаќање при испорака – му плаќате на курирот, во готово, кога тој ќе Ви ја  достави нарачката.
  • Уплаќање со уплатница во пошта или во банка.
  • Плаќање со картичка – со избирање на оваа опција ќе бидете пренасочени кон безбедниот портал на давателот на плаќање со картички C Pay / Комерцијална банка и притоа потребно е да ги следите упатствата.

Доколку се регистриравте како правно лице, Вашата нарачка можете да ја платите преку жиро-сметка. По приемот на нарачката, ќе Ви бидат испратени инструкции за плаќање/профактура.

Кликнете на „Следно“.

Кликнете на „Прати налог за плаќање“.

Вашиот процес на нарачување сега е завршен.

На адресата за е-пошта што ја оставивте за време на регистрацијата, ќе добиете потврда за нарачката со спецификација на нарачаните производи, цените и трошоците за испорака.

Испорака на стока

Испораката се прави исклучиво на адреси на територијата на Република Северна Македонија. „Пандора“/„Pandora“ ќе се обиде да ги испорача производите на адресата наведена во нарачката, во рок од пет (5) работни дена, по цена од 200 денари (стандардна достава).

Ние вршиме достава до адресата наведена во нарачката, на територијата на  Република Северна Македонија, во соработка со курирската служба „Фалкон логистикс“ ДОО – Скопје.

Ако Вашата нарачка го надминува износот од 5500 денари, стандардната достава за таква нарачка е бесплатна.

Ако поради некоја причина или поради виша сила, гореспоменатото време за испорака не може да се исполни, ќе бидете навремено информирани.

Може да се појават отстапувања и одложување на испораката ако примачот не е достапен на адресата кога се прави обид да се достави нарачката, ако примачот не одговара на телефонскиот број што го оставил кога се најавувал во системот или поради непредвидливи ситуации при транспорт на кои превозникот не би можел да влијае, а со кој „Пандора“/„Pandora“  има склучено договор.

Ваша обврска е да ја проверите пратката по приемот и, веднаш, а најдоцна во рок од 24 часа, да пријавите какви било неправилности доколку забележите дека такви има, на е-адресата: info@pandorashop.mk.

Доколку сакате испорака на производот или некаква услуга на друг начин, поинаков од оној што го предвидува „Пандора“/„Pandora“, мора да доставите такво барање до „Пандора“/„Pandora“, и доколку тоа биде прифатено, да ги платите сите придружни трошоци.

Сопственоста над производите и сите вклучени ризици, ги преземате веднаш штом ќе ги примите производите.

2. Враќање на стоките

2.1. Вие имате право да се повлечете од договорот склучен од далечина или од договорот склучен надвор од деловните простории, односно да ја вратите стоката што не Ви одговара во рок од четиринаесет (14) дена од денот на прифаќањето на испораката – на начинот утврден ТУКА – (се однесува на делот поврзан со процесот на откажување).

2.2. Вие сте одговорни за проверка на количината и на квалитетот на стоката во моментот на испораката, и во случај на неисправни или на несоодветни производи, Вие сте обврзани веднаш да ја известите „Пандора“/„Pandora“ без одложување, по приемот на стоката. Доколку производот што сте го купиле е навистина неисправен, „Пандора“/„Pandora“ може да го поправи, да го замени или да Ви ги врати средствата во согласност со Вашите права, на начин што е дефиниран ТУКА – води кон рекламации.

Ова не го исклучува Вашето право еднострано да го повлечете договорот за продажба на стоки, склучен од далечина, во согласност со одредбите од Законот за заштита на потрошувачите.

3. Известување за начинот и за приемот на рекламација

При подигање на пратката, Ве молиме, проверете го Вашиот пакет во присуство на курирот. Ако на него има видливо оштетување (изгребани делови и нагмечување), не треба да го подигнете пакетот. Во овој случај, Ве молиме, контактирајте нѐ на info@pandorashop.mk.  Ние ќе Ве информираме за понатамошно постапување во најкус можен рок.

Доколку при приемот на нарачката утврдите дека испорачаните производи или артикли не се во согласност со направената нарачка или информациите на сметката не се соодветни, Ве молиме, не подоцна од 24 часа од моментот на приемот на пратката, контактирајте нѐ на info@pandorashop.mk

Продавачот е одговорен за несоодветноста на испорачаната стока, во согласност со договорот во согласност со Законот за заштита на потрошувачите и со Законот за облигациони односи.

Продавач е правно или физичко лице од кое потрошувачот купил стока.

Потрошувач е секое физичко лице кое купува производи или користи услуги за непосредна сопствена потрошувачка, во деловните простории на трговецот, надвор од деловните простории, како и со договори од далечина за цели кои не спаѓаат во рамките на неговата трговска, стопанска, занаетчиска или професионална дејност.

Потрошувачот поднесува жалба или рекламација до продавачот.

Продавачот е одговорен за каква било несоодветност на купената стока ако стоката не ги исполнува спецификациите на производителот.

Доколку стоката не е во согласност со спецификациите на производителот, потрошувачот има право да бара од продавачот отстранување на сите недостатоци и несообразности бесплатно, пред сѐ, со поправка или со замена на производот, а потоа да побара сразмерно намалување на цената или раскинување на договорот.

Продавачот е должен да изврши поправка и замена на производот во разумен рок, во зависност од видот на производот и без создавање значителна непријатност кај потрошувачот, а најдоцна во рок од 30 дена од моментот на поднесувањето на барањето од страна на потрошувачот, водејќи сметка за природата на стоката и за целта за која потрошувачот ги набавил.

Сите трошоци потребни за да се исполнат спецификациите на производителот, особено цената на трудот, материјалите, собирањето и испораката, паѓаат на товар на продавачот.

Потрошувачот има право да го раскине договорот ако не може да го искористи правото на поправка или на замена, или ако продавачот не извршил поправка или замена во определениот рок, или ако продавачот не извршил поправка или замена без да му предизвика значителни непријатности на потрошувачот. Потрошувачот нема право да го раскине договорот доколку недостатокот на производот е минимален.

Продавачот е одговорен за недостатоците на производите од договорот доколку се тие откриени по пренесувањето на ризик на потрошувачот, под услов потрошувачот да го извести продавачот за видливите недостатоци во рок од осум (8) дена од денот на нивното откривање. Периодот од шест месеци претставува рок од шест месеци од датумот на предавањето на производот, односно датумот се пресметува од датумот на испораката на производите, односно од приемот на стоката, а тоа е датумот на фактурата во доставницата/фискалната сметка потпишана од потрошувачот ако станува збор за набавка на стока од далечина или надвор од деловните простории на продавачот.

Потрошувачот има право по свој избор да бара бесплатно отстранување на недостатоците, замена на производот со друг соодветен производ, сразмерно намалување на продажната цена или раскинување на договорот, освен ако ова не е во спротивност со природата на стоката и со природата на конкретниот недостаток или ако недостатоците на производот настанале поради повреда на правилата за употреба и чување од страна на потрошувачот, од трети лица или од виша сила.

Неможноста на потрошувачот да ја испорача оригиналната амбалажа на стоката не може да биде услов за негативно решавање на жалбата/рекламацијата или причина да се одбие отстранување на недостатокот.

Купецот може да поднесе рекламација за остварување на своите права поради несообразност на стоката со договорот, како и поради неправилно пресметана цена и други недостатоци, со праќање на  е-пошта, на електронската адреса на продавачот: info@pandorashop.mk или по писмен пат, на адресата: „СФ1 Клипс“ ДООЕЛ Скопје, ул. „Љубљанска“ бр.4 – У 121, Скопје.

Продавачот е должен да му одговори на потрошувачот писмено или електронски, без одложување, а најдоцна во рок од 30 дена од денот на приемот на рекламацијата, со одговор на поднесеното барање и со предлог за негово решавање.

Доколку продавачот од објективни причини не е во можност да го исполни барањето на купецот во договореното време, тој е должен да го извести купецот за продолжување на рокот за решавање на жалбата/рекламацијата и да го наведе крајниот рок во кој ќе го реши, како и да ја добие неговата согласност којашто купецот ќе ја даде во колку што е можно пократок рок. Продолжување на рокот за решавање на рекламациите е можно само еднаш.

Доколку купецот не прифати замена на производот за друг, соодветен, на купецот ќе му биде вратена сумата што му ја платил на продавачот за тој производ.

Овде може да пополните рекламационен лист.

Цени на производите и начини на плаќање

Сите цени се изразени во денари со вклучен ДДВ. Во цената не се вклучени трошоците за испорака. Пандора/Pandora го задржува правото за промена на цените без претходна најава. Пандора/Pandora нема да ги промени цените, откако ќе ја потврди Вашата нарачка.

Купецот ќе ја плати тековната цена на производот во времето на праќањето на нарачката, во износ во локална валута.

Можете да изберете еден од следниве начини на плаќање:

Фактурираната вредност може да се плати во готово при прием на пратката/нарачката или, претходно, со уплатница за плаќање на шалтер во пошта или во некоја банка.

Со платежна картичка, во текот на процесот на креирањето на нарачката. Својата нарачка можете да ја платите користејќи ги платежните картички Visa International, MasterCard/ Maestro.

Кога внесувате податоци за платежните картички, доверливите информации се пренесуваат преку јавната мрежа во безбедна (шифрирана) форма со користење на SSL-протоколи и на PKI-системите како моментално најсовремена криптографска технологија.

Безбедноста на податоците за време на купувањето е загарантирана од страна на процесорот за платежни картички, С Pay / Комерцијална банка, така што целокупниот процес на наплатата се изведува на веб-страницата С pay / Комерцијална банка. За нашиот систем во ниеден момент не се достапни информациите од платежните картички.

Плаќањето е можно само во денарска валута. Плаќањето е можно со платежни картички на домашни и на странски банки. Износот за кој ќе се задолжи Вашата сметка, се добива со конвертирање на Вашата валута во денари, според курсот на Народна банка. Може да се јават мали разлики во наплатената цена и цената наведена на нашата страница, кои произлегуваат од конверзијата во курсот.

Плаќање преку жиро-сметка (за правни лица) – по приемот на нарачката, ќе Ви пратиме упатства за плаќање/профактура. По извршената уплата, Вашата нарачка ќе Ви биде доставена.

Не е можно одложено плаќање.

Ако адресата за испорака на производот е различна од онаа, наведена на фактурата, тогаш фактурите треба да се платат пред испораката.

 

ПРАВО НА ПОВЛЕКУВАЊЕ ОД ДОГОВОРОТ СКЛУЧЕН ОД ДАЛЕЧИНА – ЕДНОСТРАНО РАСКИНУВАЊЕ

Во согласност со Законот за заштита на потрошувачите (во понатамошниот текст: Законот), купувањето преку нашата веб-страница се смета за продажба со склучување договор од далечина, односно договор склучен надвор од деловните простории на трговецот.

Во согласност со Законот, за договорот склучен од далечина, купецот, кој се смета за потрошувач (физичко лице кое купува производ за да ги задоволи своите индивидуални потреби, а не да врши професионални активности), располага со период од четиринаесет (14) дена за повлекување од договорот од далечина или за договор склучен надвор од деловните простории. При повлекување, купецот може, но не мора, да ги наведе причините за повлекувањето.

Образецот – Изјавата за повлекување од договорот од далечина се праќа на е-пошта: info@pandorashop.mk или на адресата на продавачот:

„СФ1 Клипс“ ДООЕЛ Скопје

ул. „Љубљанска“ бр. 4 – У 121, Скопје

ЕДБ 4057018542400

тел. 02/307-6333

 

Ако се повлече од договорот, потрошувачот има право на надомест на плаќањата или на замена на производот со друг производ.

Продавачот се обврзува да ги надомести сите плаќања, примени од страна на потрошувачот, евентуално, вклучувајќи ги трошоците за испорака, без непотребно одложување, кога ќе ја прими или кога ќе ја преземе стоката која купецот ја враќа, а во секој случај, во рок од четиринаесет (14) дена од денот кога тој е известен за одлуката на потрошувачот да се повлече од договорот.

Продавачот не е должен да ги надомести дополнителните трошоци, кога потрошувачот јасно се определил за еден вид испорака, освен најевтината стандардна испорака понудена од страна на продавачот.

Продавачот може да се воздржи од враќањето на парите додека не ја прими стоката или додека потрошувачот не достави доказ дека ја вратил стоката.

Купецот е должен да го врати производот без одложување, но не подоцна од четиринаесет (14) дена од денот на доставувањето на изјавата за повлекување на договорот од далечина. Пред да ја вратите нарачката, контактирајте нѐ на info@pandorashop.mk за да добиете упатство на која адреса треба да ја пратите стоката од чијашто набавка се откажувате. По истекот на четиринаесет (14) дена од денот кога е доставена изјавата за повлекување на договорот од далечина, производот веќе не може да се врати.

При враќањето на стоката, таа мора да се врати во добра и неупотребена состојба и во првичното неоштетено пакување кое мора да биде придружено со оригиналната фактура или со фискалната сметка, заедно со пополнетата изјава за повлекување на договорот од далечина, која може да ја преземете овде.

По приемот на производот, ќе се утврди дали производот е исправен и неоштетен. Купецот е одговорен за дефектите, или за оштетувањата на производот, кои се резултат од несоодветното ракување со производот, т. е. купецот е единствено одговорен за намалената вредност на производот што се јавува како резултат од ракувањето со стоката на таков начин што не е соодветен, односно го надминува она што е неопходно за да се утврдат неговата природа, карактеристиките и функционалноста. Доколку се утврди дека настанала штета, или оштетување на производот, по вина на купецот, ќе се одбие поврат на цената и производот ќе му биде вратен на негов трошок.

Трошоците и средствата за враќање на стоката паѓаат на товар на купецот, освен ако купецот добие неисправен или погрешен производ.

Ако станува збор за повлекување од договорот склучен од далечина, Пандора/Pandora прифаќа враќање единствено на производите кои се потполно нови и во оригинална состојба и пакување, заедно со фискалната сметка или со фактурата. Во такви услови, Пандора/Pandora ќе направи рефундирање на износот на вратените артикли, кога ќе ја прими или кога ќе ја преземе стоката која купецот ја враќа, а најдоцна во рок од четиринаесет (14) дена од денот кога е известен за одлуката на потрошувачот да се повлече од договорот.

Изјавата за раскинување на договорот од далечина може да ја преземете овде.

Процедура за поврат на средствата

Контактирајте нè на info@pandorashop.mk, со информации за Вашиот број на фактура/фискална сметка, белешка за достава и број на трансакциска сметка.

Кога ќе ги доставите потребните информации, ќе се креира документација која ќе Ви биде доставена заедно со процедурата за поврат на средствата, на е-адреса што ја оставивте при креирањето на нарачката.

Повратот се врши исклучиво на горенаведениот начин, со поврат на трансакциската сметка на купецот и не е можно да се праќаат пари преку курир, во готово.

Ако станува збор за враќање на стоката или за рефундација на клиентот кој претходно извршил уплата со една од платежните картички, делумно или во целост, и без оглед на причината за повратот, СФ1 Клипс Дооел е должен да изврши поврат на средства исклучиво преку методите на плаќање со картичките Visa, EC/MC и Maestro. Ова значи дека банката, на барање на продавачот, ќе изврши враќање на средствата на сметката на сопственикот на картичката.

Нарачаниот производ не можете доброволно да го менувате или да барате враќање на парите во кое било од продажните места или производите да ги праќате на адресите наведени на фактурата/фискалната сметка, или на белешката за испораката, без претходно да остварите контакт и да направите договор со операторите во интернет-продавницата чии контакт-податоци се наведени погоре.

Кој било таков пакет ќе му биде вратен на испраќачот, на негов товар.

Одговорност

Во однос на производите и услугите, единствената одговорност на Пандора/Pandora е ограничена како што е изречно наведено во овие услови за продажба. Сите други одговорности се исклучени до степенот дозволен со закон.

Пандора/Pandora нема одговорност (било договорна било недоговорна, или на друг начин) за какви било директни, посебни, последователни или индиректни штети, вклучително и загуба на приходот што може да биде резултат од продажбата опишана овде.

Заштита на личните податоци

Пандора/Pandora не ги открива Вашите лични податоци и строго ги почитува  законите за заштита на личните податоци. Политиката за приватност на нашата компанија е објавена на нашата веб-страница

Применливо право/Законодавно право

Овие услови се предмет на законите на Република Северна Македонија и мора да бидат толкувани во согласност со нив. Судовите во Скопје се исклучиво надлежни да решаваат какви било спорови што може да се појават помеѓу Вас и Пандора/Pandora.

Податоци за продавачот

СФ1 Клипс ДООЕЛ Скопје

ул. „Љубљанска“ бр. 4 – У 121

1 000 Скопје

тел.: 02/ 307-6333 

е-пошта: info@pandorashop.mk